بين زحمة الأيام وتقلبات الزمان، تولد كلمات صادقة من قلبٍ أنهكته الخيبات ولم تفقده الإحساس.
"حسبني غبوهالي" ليست مجرد حكاية بوهالي كما يصف نفسه، بل هي صرخة روحٍ تعبت من سوء الفهم، ومن قسوة البشر، ومن زمنٍ لا يرحم الطيبين.
هي مرآة إنسان بسيط، صادق النية، اصطدم بواقعٍ لم يقدّر طيبته، فاختار أن يواجه العالم بابتسامة موجوعة، وكبرياء متواضع، ولسانٍ لا يقول إلا الحقيقة.

في كل مقطع، تتردد نغمة الألم، ويعلو صوت العتاب، لكن خلف الكلمات يسكن أمل خفيّ بأن يتبدل الحال، وأن يعود للروح صفاؤها.
قصيدة تنبض بالعفوية، وتحمل في طياتها وجعًا مغربيّ النكهة، وإنسانيّ المعنى، تُلامس كل من شعر يومًا أنه غريب بين الناس… أو محسوب "بوهالي" لأنه فقط كان طيبًا أكثر من اللازم.

* حسبني غبوهالي *

حسبني غبوهالي
شوف من حالتي
وراعي لحالي
خودني على قد
عقلي
راني غير بوهالي
بوهالي من قوم
البوهالة
متكي على عكاز
ولابس دربالة
وحالتي ما هي
حالة

حسبني غبوهالي
راس مالي هضرة
وكلام
خرجت ملي قرصني
الزمان وليام
هادي سنين وعوام
خرجت مني شلة
حكايات
وسردت شلة روايات
ليام دات في وجابت
والفرحة علي غابت

حسبني غبوهالي
قبل ما يتقادى جهدي
وعمري يسالي
وديك الساعة حتى حاجة
ما تبقى لي
هادشي كامل وما بغيتي
تراعي لحالي
راعي لي
راني قلت ليك حسبني
غبوهالي

حسبني غبوهالي
ما تتكلم ولا تهضر في
لا تهيج علي الخلق
كلها وباش ينطق
وما يبغي معاي يتفرق
وقلبي من البكاء يتحرق

حسبني غبوهالي
شوف ما دارت في
ليام
ما عرفتش واش لافوت
في
حيت كنت كنتيق في
منوالة
وكنت كندير النية
ولخوت دارو ما دارو
في
وحالي تبدل بين صباح
وعشية

حسبني غبوهالي
كنت بين العقال
وفي رمشة عين
تبدل الحال
ولاوا يسولوني اش
هاد لهبال
وانا ما عندي جواب لهاد
السؤال
دخلت لقاموس لهبال
وبلا مجال ولا آجال
وبقيت نسول واش غنبقى
على هاد الحال

ونبقى بوهالي
ليكم وجهت سؤالي
طلبو معاي يتبدل
حالي
وما نبقى حاسب راسي
بوهالي .

كلمات... خالد فولان.